Христос Воскресе! Приветствуем вас на сайте, посвященном Воскресению из мертвых преподобного Серафима Саровского
Возвесели, Господи, души истомленные, да скорби и печали забвению предадят

Богослужебные чины Царской Православной Церкви

СОДЕРЖАНИЕ СКАЧАТЬ файлом

ВЕЧЕРНЕЕ БОГОСЛУЖЕНИЕ Царской Православной Церкви (ПОЛНОЕ)

 

Под большие праздники и в субботу вечером священник возглашает и одновременно совершает перед престолом крест кадилом (верх-низ-лево-право) на выделенных словах:

Сла́ва Святе́й, - и Единосу́щней, - и Животворя́щей,- и Неразде́льней Тро́ице всегда́, ны́не и при́сно и во ве́ки веко́в.

Возглас в обычные дни. Если используется кадило, то им также совершается крест перед престолом:

Благослове́н Бог наш всегда́, - ны́не - и при́сно - и во ве́ки веко́в.

И начинает читать 50-й псалом и кадить престол, обходя его со всех сторон против часовой стрелки (если престол приставной, то кадит его края с передней стороны, приподнимая кадило и меняя направления каждения в нужную точку). После чего начинает кадить все иконы на стенах помещения, обходя его по направлению часовой стрелки, начав с горнего места и заканчивая им же. Попутно покадив аналой с находящейся на нем праздничной иконой. Возвратившись к престолу, производит каждение по тому же направлению всех присутствующих на богослужении людей. После чего кадит переднюю часть престола и горнее место и помещает кадило на свое место или передает помощнику.

 

Начало мирским чином:

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Аминь.

 

Дальнейшее читается на всех богослужениях:

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Возглашение: Я́ко Твое́ есть Ца́рство, и си́ла, и сла́ва, Отца́ и Сына́ и Свята́го Ду́ха, ны́не и при́сно и во ве́ки веко́в.

Лик: Ами́нь.

Го́споди, поми́луй. (12 раз)

 

Воздевая слегка согнутые в локтях и несколько расставленные в разные стороны руки, направленные вверх под углом 45°, читаем молитву Архистратигу Серафиму и Ангелу-Хранителю:

Святы́й Архистрати́же Бо́жий Серафи́ме и Святы́й А́нгеле-Храни́телю мой, войди́те в мя и упра́вьте мно́ю!

И да бу́дет те́ло мое та́кожде и Ва́шим те́лом! А все, соверша́емое мной, недосто́йным(ой), бу́дет совершено́ Ва́ми к сла́ве и исполне́нию во́ли Бо́жией. Ами́нь.

(произносим единожды с воздеянием рук и крестным знамением)

 

Молитва первая: Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

 

Молитва вторая: Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, врачу́ и исцели́телю душ на́ших. Наста́ви нас ко приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Я́ко Твоя́ держа́ва и Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

 

Молитва третия: Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

 

Молитва четвертая: Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

 

Молитва пятая: Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Ми́лостию и человеколю́бием единоро́днаго Твоего́ Сы́на, с Ни́мже благослове́н еси́, со всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в. Ами́нь.

 

Молитва шестая: Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Я́ко Ты еси́ Бог наш, Бог миловати и спасати, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

 

Молитва седьмая: Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам, Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

 

Мирная или Великая Ектения:

Ми́ром Го́споду помо́лимся.

Лик: Го́споди, поми́луй.

О свы́шнем ми́ре/ и спасе́нии душ на́ших,/ Го́споду помо́лимся.

Лик: Го́споди, поми́луй.

О ми́ре всего́ мiра,/ благостоя́нии святы́х Бо́жиих церкве́й/ и соедине́нии всех,/ Го́споду помо́лимся.

Лик: Го́споди, поми́луй.

О святе́м хра́ме сем/ и с ве́рою,/ благогове́нием/ и стра́хом Бо́жиим/ входя́щих в онь,/ Го́споду помо́лимся.

Лик: Го́споди, поми́луй.

О Держа́щих После́дняго Правосла́внаго Ца́рства/ и всех по́дданных его,/ Го́споду помо́лимся.

Лик: Го́споди, поми́луй.

Об Апо́столех,/ свяще́нницех,/ диа́конех,/ диакони́ссех,/ священномона́сех и мона́сех/ Ца́рстей Правосла́вней Це́ркви,/ и всем во Христе́ бра́тстве на́шем,/ Го́споду помо́лимся.

Лик: Го́споди, поми́луй.

О Богохрани́мей держа́ве на́шей Росси́йстей,/ правосла́вных власте́х/ и христолюби́вом во́инстве ея́,/ Го́споду помо́лимся.

Лик: Го́споди, поми́луй.

О пособити/ и покорити/ под нозе их/ всякаго врага и супостата,/ Господу помолимся.

Лик: Го́споди, поми́луй.

О гра́де сем,/ (или о ве́си сей, или о святе́й оби́тели сей), вся́ком гра́де,/ стране́/ и ве́рою живу́щих в ни́х,/ Го́споду помо́лимся.

Лик: Го́споди, поми́луй.

О бла́горастворе́нии возду́хов,/ о изоби́лии плодо́в земны́х/ и вре́менех ми́рных,/ Го́споду помо́лимся.

Лик: Го́споди, поми́луй.

О пла́вающих,/ путеше́ствующих,/ неду́гующих,/ стра́ждущих,/ плене́нных/ и о спасе́нии их,/ Го́споду помо́лимся.

Лик: Го́споди, поми́луй.

О изба́витися нам/ от неве́рнаго держа́ния на́шего,/ и от всякия скорби,/ гнева и нужды,/ и обрести́ держа́ние Бо́жие,/ Го́споду помо́лимся.

Лик: Го́споди, поми́луй.

Заступи́,/ спаси́,/ поми́луй/ и сохрани́ нас, Бо́же,/ Твое́ю благода́тию.

Лик: Го́споди, поми́луй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе, Господи.

Возглашение: Я́ко/ подоба́ет Тебе́/ вся́кая сла́ва,/ честь/ и поклоне́ние,/ Отцу́,/ и Сы́ну,/ и Свято́му Ду́ху,/ ны́не/ и при́сно,/ и во ве́ки веко́в.

Лик: Аминь.

 

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

 

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

Первая часть (Слава) любой кафизмы.

А вторая и третья Славы этой же кафизмы прочитываются на утреннем богослужении. Таким образом, последовательно от службы к службе прочитывается вся Псалтирь.

 

В Великий пост на вечернем богослужении читается одна кафизма целиком, а на утреннем - две последующие кафизмы.

 

По окончанию чтения первой Славы кафизмы глаголем следующее:

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (трижды)

Го́споди, поми́луй. (трижды)

 

Малая ектения:

Па́ки/ и па́ки,/ ми́ром Го́споду/ помо́лимся.

Лик: Господи, помилуй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Господи, помилуй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе, Господи.

Возглашение: Я́ко/ Твоя́ держа́ва/ и Твое́ есть Ца́рство/ и си́ла,/ и сла́ва,/ Отца́,/ и Сы́на,/ и Свята́го Ду́ха,/ ны́не/ и при́сно,/ и во ве́ки веко́в.

Лик: Аминь.

 

Если служит священник, то он снова кадит весь храм по указанному выше образу.

И поется или читается «Го́споди, воззва́х», на указанный для этой недели глас. Используются стихи из псалмов 140, 141, 129, 116.

 

Го́споди, воззва́х к Тебе́, услы́ши мя./ Услы́ши мя, Го́споди. Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́./ Услы́ши мя, Го́споди.

Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя./ Услы́ши мя, Го́споди.

 

При добавлении стихир из Минеи или Октоиха, стихи выделенные зеленым можно опустить.

Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

 

Стихиры на «Господи воззвах».

И начинается добавление чтения или пения стихир на «Господи воззвах» из Минеи или Октоиха на этот день и глас.

Стихиры поются после стихов в зависимости от количества их. Если их четыре, то первая читается после стиха №4, если пять, то после стиха №5, шесть – после стиха №6, и так далее.

Если стихиры не используются, то стихи просто прочитываются от начала до самого конца.

 

На 10: Изведи́ из темни́цы ду́шу мою́, испове́датися и́мени Твоему́.

Мене́ ждут пра́ведницы, до́ндеже возда́си мне.

На 8: Из глубины́ воззва́х к Тебе́, Го́споди, Го́споди, услы́ши глас мой.

Да бу́дут у́ши Твои́ вне́млюще гла́су моле́ния моего́.

На 6: А́ще беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть.

И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

На 4: От стра́жи у́тренния до но́щи, от стра́жи у́тренния да упова́ет Изра́иль на Го́спода.

Я́ко у Го́спода ми́лость, и мно́гое у Него́ избавле́ние, и Той изба́вит Изра́иля от всех беззако́ний eго́.

Хвали́те Го́спода вси язы́цы, похвали́те Его́ вси лю́дие.

Я́ко утверди́ся ми́лость Его́ на нас, и и́стина Госпо́дня пребыва́ет во век.

 

Сла́ва Отцу́ и Сы́ну и Свято́му Ду́ху: здесь читается стихира, указанная для чтения после Славы из Минеи или Октоиха.

При ее отсутствии продолжение:

 

И ны́не и при́сно и во ве́ки веко́в. Ами́нь.

Здесь читается Богородичный догматик по гласу Славы или дня:

 

Глас 1-й: Всеми́рную сла́ву / от челове́к прозя́бшую / и Влады́ку ро́ждшую, / Небе́сную дверь / воспои́м, Мари́ю Де́ву, / Безпло́тных песнь и ве́рных удобре́ние: / Сия бо яви́ся не́бо и храм Божества́; / Сия прегражде́ние вражды́ разруши́вши, / мир введе́ и Ца́рствие отве́рзе. / Сию убо иму́ще ве́ры утвержде́ние, / Побо́рника и́мамы из Нея ро́ждшагося Го́спода. / Дерза́йте убо, дерза́йте, лю́дие Бо́жии, / и́бо Той победи́т враги́, / яко Всеси́лен.

Глас 2-й: Пре́йде сень зако́нная, / благода́ти прише́дши: / я́коже бо купи́на не сгара́ше опаля́ема, / тако Де́ва родила́ еси / и Де́ва пребыла́ еси. / Вме́сто столпа́ о́гненнаго / пра́ведное возсия́ Со́лнце, / вме́сто Моисе́я – Христо́с, / спасе́ние душ на́ших.

Глас 3-й: Ка́ко не диви́мся / Богому́жному Рождеству́ Твоему́, Пречестна́я, / искуше́ния бо му́жескаго не прие́мши, Всенепоро́чная, / родила́ бо еси без отца́ Сы́на пло́тию, / пре́жде век от Отца́ рожде́ннаго без ма́тере, / ника́коже претерпе́вшаго измене́ния, или смеше́ния, или разделе́ния, / но обо́ю существу́ сво́йство це́ло сохра́ншаго. / Те́мже, Ма́ти Де́во Влады́чице, / Того́ моли спасти́ся душа́м, / правосла́вно Богоро́дицу испове́дающих Тя.

Глас 4-й: Иже Тебе́ ра́ди богооте́ц проро́к Давид / пе́сненно о Тебе́ провозгласи́, / вели́чия Тебе́ Сотво́ршему, / предста́ Цари́ца одесну́ю Тебе́, / Тя бо Ма́терь, Хода́таицу Живота́ показа́, / без отца́ из Тебе́ вочелове́читися благоволи́вый Бог, / да Свой па́ки обнови́т о́браз, истле́вший страстьми́, / и заблу́ждшее горохи́щное обре́т овча́, / на ра́мо восприи́м, ко Отцу́ принесе́т / и Своему́ хоте́нию / с Небе́сными совоку́пит Си́лами, / и спасе́т, Богоро́дице, мiр / Христо́с, име́яй ве́лию и бога́тую ми́лость.

Глас 5-й: В Че́рмнем мо́ри, / Неискусобра́чныя Неве́сты о́браз написа́ся иногда́: / та́мо Моисе́й, раздели́тель воды́, / зде же Гаврии́л, служи́тель чудесе́. / Тогда́ глубину́ ше́ствова немо́кренно Изра́иль; / ны́не же Христа́ роди́ безсе́менно Де́ва. / Мо́ре по проше́ствии Изра́илеве пребы́сть непрохо́дно; / Непоро́чная по рождестве́ Эммануи́леве пребы́сть нетле́нна. / Сы́й и пре́жде Сы́й, / явле́йся яко Челове́к, / Бо́же, поми́луй нас.

Глас 6-й: Кто Тебе́ не ублажи́т, Пресвята́я Де́во; / кто ли не воспое́т Твоего́ Пречи́стаго Рождества́; / безле́тно бо от Отца́ возсия́вый Сын Единоро́дный, / То́йже от Тебе́, Чи́стыя, про́йде, / неизрече́нно вопло́щься, / естество́м Бог Сый, / и естество́м быв Челове́к нас ра́ди; / не во двою лицу́ разделя́емый, / но во двою естеству́ / несли́тно познава́емый. / Того́ моли, Чи́стая Всеблаже́нная, / поми́ловатися душа́м на́шим.

Глас 7-й: Ма́ти убо позна́лася еси, / па́че естества́, Богоpо́дице, / пpебыла́ же еси Де́ва, / па́че сло́ва и pа́зума, / и чудесе́ Рождества́ Твоего́ ска́зати язы́к не мо́жет. / Пpесла́вну бо су́щу зача́тию, Чи́стая, / непостиже́н есть о́бpаз pожде́ния: / иде́же бо хо́щет Бог, побежда́ется естества́ чин. / Те́мже, Тя вси Ма́теpь Бо́жию ве́дуще, / мо́лим Ти ся пpиле́жно, / моли́ спасти́ся душа́м на́шим.

Глас 8-й: Царь Небе́сный за человеколю́бие на земли́ яви́ся, / и с челове́ки поживе́, / от Де́вы бо Чи́стыя плоть прие́мый / и из Нея проше́дый с восприя́тием. / Еди́н есть Сын, сугу́б естество́м, / но не Ипоста́сию. / Те́мже соверше́нна Того́ Бо́га / и соверше́нна Челове́ка вои́стину пропове́дающе, / испове́дуем Христа́ Бо́га на́шего: / Его́же моли, Ма́ти Безневе́стная, / поми́ловатися душа́м на́шим.

 

Вечерняя песнь Сыну Божию: Све́те ти́хий святы́я сла́вы,/ Безсме́ртнаго, Отца́ Небе́снаго,/ Свята́го Блаже́ннаго, Иису́се Христе́./ Прише́дше на за́пад со́лнца,/ ви́девше свет вече́рний,/ пое́м Отца́, Сы́на и Свята́го Ду́ха, Бо́га./ Досто́ин еси́ во вся времена́/ пе́т бы́ти гла́сы преподо́бными,/ Сы́не Бо́жий, живо́т дая́й,/ те́мже мир Тя сла́вит.

 

При священническом богослужении, во время чтения чтецом «Слава Отцу, и Сыну, и Святому Духу» священник, завершивший каждение, читает молитву входа:

Ве́чер, и зау́тра, и полу́дне, хва́лим, благослови́м, благодари́м и мо́лимся Тебе́, Влады́ко всех: испра́ви моли́тву на́шу, я́ко кади́ло пред Тобо́ю, и не уклони́ серде́ц на́ших в словеса́ или́ в помышле́ния лука́вствия, но изба́ви нас от всех ловя́щих ду́ши на́ша, я́ко к Тебе́, Го́споди, Го́споди, о́чи наши, и на Тя́ упова́хом, да не посрами́ши нас, Бо́же наш.

Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

 

А затем во время чтения или пения Богородичного Догматика священник дважды с крестным знамением покланяется перед святым Престолом, целует его, крестится и кланяется в третий раз. Благословляет кадило и берет его. Отойдя от престола на расстояние до 2 метров становится, кадит с этого места Престол, вправо и влево от него, берет кадило в левую руку и благословляет вход, произнося тихо:

Благослове́н вход святы́х Твои́х всегда́, ны́не и при́сно и во ве́ки веко́в.

 

По окончании пения Догматика держа кадило в правой руке возглашает: «Прему́дрость, про́сти», (делая крест кадилом), подходит к Престолу, кадит его спереди, а затем Горнее место и отлагает кадило на место. Лик в это время поет творение Софрония, патриарха Иерусалимскаго:

 

Вечерняя песнь Сыну Божию: Све́те ти́хий святы́я сла́вы,/ Безсме́ртнаго, Отца́ Небе́снаго,/ Свята́го Блаже́ннаго, Иису́се Христе́./ Прише́дше на за́пад со́лнца,/ ви́девше свет вече́рний,/ пое́м Отца́, Сы́на и Свята́го Ду́ха, Бо́га./ Досто́ин еси́ во вся времена́/ пе́т бы́ти гла́сы преподо́бными,/ Сы́не Бо́жий, живо́т дая́й,/ те́мже мир Тя сла́вит.

 

Священник целует святой Престол и отходит к Горнему месту (при приставном Престоле становится с южной стороны его). На Горнем месте крестится, делает поклон к востоку, и становятся лицом на запад. Произносит прокимен, делает поклон с крестным знамением к востоку, становится перед Престолом, крестится и целует Престол. Миряне читают прокимен, находясь на месте.

 

Прокимны дней седмицы.

Образец произнесения вечернего прокимна указан для гласов 8 и 6, остальные поются подобным образом:

 

В воскресение вечером, на глас 8:

Служащий произносит весь прокимен:

Се ны́не благослови́те Го́спода,/ вси раби́ Госпо́дни.

Лик: Се ны́не благослови́те Го́спода,/ вси раби́ Госпо́дни.

Служащий произносит стих к нему:

Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода,/ вси раби́ Госпо́дни.

Служащий произносит половину прокимна:

Се ны́не благослови́те Го́спода,…

Лик пропевает вторую половину: …вси раби́ Госпо́дни.

 

В понедельник вечером, на глас 4: Госпо́дь услы́шит мя,/ внегда́ воззва́ти ми к Нему́.

Стих: Внегда́ призва́ти ми, услы́ша мя Бог пра́вды моея́.

Во вторник вечером, на глас 1: Ми́лость Твоя́, Го́споди,/ пожене́т мя вся дни живота́ моего́.

Стих: Госпо́дь пасе́т мя, и ничто́же мя лиши́т, на ме́сте зла́чне, та́мо всели́ мя.

В среду вечером, на глас 5: Бо́же, во и́мя Твое́ спаси́ мя,/ и в си́ле Твое́й суди́ ми.

Стих: Бо́же, услы́ши моли́тву мою́, внуши́ глаго́лы уст мои́х.

В четверг вечером, на глас 6: По́мощь моя́ от Го́спода,/ сотво́ршаго не́бо и зе́млю.

Стих: Возведо́х о́чи мои́ в го́ры, отню́дуже прии́дет по́мощь моя́.

В пятницу вечером, на глас 7: Бо́же, засту́пник мой еси́ Ты,/ и ми́лость Твоя́ предвари́т мя.

Стих: Изми́ мя от враг мои́х, Бо́же, и от востаю́щих на мя изба́ви мя.

 

В субботу вечером, на глас 6:

Произношение: Госпо́дь воцари́ся,/ в ле́поту облече́ся.

Пропевание прокимна: Госпо́дь воцари́ся,/ в ле́поту облече́ся.

Произношение стиха: Облече́ся Госпо́дь в си́лу и препоя́сася.

Пропевание: Госпо́дь воцари́ся,/ в ле́поту облече́ся.

Стих: И́бо утверди́ вселе́нную, я́же не подви́жится.

Пропевание: Госпо́дь воцари́ся,/ в ле́поту облече́ся.

Стих: До́му Твоему́ подоба́ет святы́ня, Го́споди, в долготу́ дний.

Пропевание: Госпо́дь воцари́ся,/ в ле́поту облече́ся.

Произношение половины прокимна: Госпо́дь воцари́ся,…

Пропевание второй части: …в ле́поту облече́ся.

 

В Великий пост или при аллилуйной службе в другие посты, вместо прокимнов седмицы, поется «Аллилуиа» на глас 6:

 

В понедельник вечера:

Лик: Аллилу́иа, аллилуи́а, аллилу́иа.

Стих: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Лик: Аллилу́иа, аллилуи́а, аллилу́иа.

Стих: И во ве́ки веко́в.

Лик: Аллилу́иа, аллилуи́а, аллилу́иа.

 

Во вторник и в четверток вечера:

Лик: Аллилу́иа, аллилуи́а, аллилу́иа.

Стих: Возноси́те Го́спода Бо́га на́шего, и покланя́йтеся подно́жию но́гу Его́, я́ко свя́то есть.

Лик: Аллилу́иа, аллилуи́а, аллилу́иа.

Стих: И во ве́ки веко́в.

Лик: Аллилу́иа, аллилуи́а, аллилу́иа.

 

В среду вечера:

Лик: Аллилу́иа, аллилуи́а, аллилу́иа.

Стих: Во всю зе́млю изы́де веща́ние их, и в концы́ вселе́нныя глаго́лы их.

Лик: Аллилу́иа, аллилуи́а, аллилу́иа

Стих: И во ве́ки веко́в.

Лик: Аллилу́иа, аллилуи́а, аллилу́иа.

 

Паримии.

После произнесения Прокимна или Аллилуи, если есть ПАРИМИИ, то они прочитываются чтецом или священником следующим образом:

Священник: «Премудрость».

Чтец: название Паримии (например «Бытия чтение…») и читаем паримию.

Священник: «Вонмем», а чтец читает паримию.

И так все повторяется и при чтении остальных двух паремий.

 

Малая ектения:

Па́ки/ и па́ки,/ ми́ром Го́споду помо́лимся./

Лик: Го́споди, поми́луй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Го́споди, поми́луй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе́, Го́споди.

Возглашение: Я́ко/ Благ/ и Человеколю́бец Бог еси́,/ и Тебе́ сла́ву возсыла́ем,/ Отцу́,/ и Сы́ну,/ и Свято́му Ду́ху,/ ны́не/ и при́сно,/ и во ве́ки веко́в.

Лик: Аминь.

 

Молитва при наступлении вечера: Сподо́би, Го́споди, в ве́чер сей без греха́ сохрани́тися нам./ Благослове́н еси́, Го́споди Бо́же оте́ц на́ших,/ и хва́льно и просла́влено и́мя Твое́ во ве́ки, ами́нь./ Бу́ди, Го́споди, ми́лость Твоя́ на нас, я́коже упова́хом на Тя./ Благослове́н еси́, Го́споди, научи́ мя оправда́нием Твои́м./ Благослове́н еси́, Влады́ко, вразуми́ мя оправда́нием Твои́м./ Благослове́н еси́, Святы́й, просвети́ мя оправда́нии Твои́ми./ Го́споди, ми́лость Твоя́ во век, дел руку́ Твое́ю не пре́зри./ Тебе́ подоба́ет хвала́. Тебе́ подоба́ет пе́ние,/ Тебе́ сла́ва подоба́ет, Отцу́ и Сы́ну и Свято́му Ду́ху,/ ны́не и при́сно и во ве́ки веко́в. Ами́нь.

 

Сугубая ектения:

Рцем вси́/ от всея́ души́,/ и от всего́ помышле́ния на́шего/ рцем.

Лик: Го́споди, поми́луй.

Го́споди Вседержи́телю,/ Бо́же оте́ц на́ших,/ мо́лим Ти ся,/ услы́ши/ и поми́луй.

Лик: Го́споди, поми́луй.

Поми́луй нас, Бо́же,/ по вели́цей ми́лости Твое́й,/ мо́лим Ти ся,/ услы́ши/ и поми́луй.

Лик: Го́споди, поми́луй. (трижды)

Еще́ мо́лимся/ о Держа́щих После́дняго Правосла́внаго Ца́рства,/ о Держа́ве,/ побе́де,/ пребыва́нии,/ ми́ре,/ здра́вии,/ спасе́нии их,/ и Го́споду Бо́гу на́шему/ наипа́че поспеши́ти/ и пособи́ти им во всех,/ и покори́ти под но́зе их/ вся́каго врага́ и супоста́та.

Лик: Го́споди, поми́луй. (трижды)

Еще́ мо́лимся/ об Апо́столех,/ свяще́нницех,/ диа́конех,/ диакони́ссех,/ священномона́сех и мона́сех/ Ца́рстей Правосла́вней Це́ркви/ и всем во Христе́ бра́тстве/ на́шем.

Лик: Го́споди, поми́луй. (трижды)

Еще́ мо́лимся/ о блаже́нных/ и приснопа́мятных/ созда́телех свята́го хра́ма сего́/ (до́ма сего́ и́ли святы́я оби́тели сея́), и о всех/ пре́жде почи́вших/ отце́х,/ ма́терех,/ бра́тиях/ и се́страх,/ зде лежа́щих/ и повсю́ду,/ правосла́вных./

Лик: Го́споди, поми́луй. (трижды)

Еще́ мо́лимся/ о ми́лости,/ жи́зни,/ ми́ре,/ здра́вии,/ спасе́нии,/ посеще́нии,/ проще́нии/ и оставле́нии грехо́в/ рабо́в Бо́жиих,/ бра́тии свята́го хра́ма сего́ (аще во обители: святы́я оби́тели сея́).

Лик: Го́споди, поми́луй. (трижды)

Еще́ мо́лимся/ о плодонося́щих/ и доброде́ющих/ во святе́м/ и всечестне́м хра́ме сем,/ тружда́ющихся,/ пою́щих/ и предстоя́щих лю́дех,/ ожида́ющих от Тебе́/ вели́кия и бога́тыя/ ми́лости.

Лик: Го́споди, поми́луй. (трижды)

Возглашение: Яко Милостив/ и Человеколюбец Бог еси,/ и Тебе славу возсылаем:/ Отцу,/ и Сыну,/ и Святому Духу/ ныне,/ и присно/ и во веки веков.

Лик: Ами́нь.

 

Лития: см. ПРИЛОЖЕНИЕ 1.

 

Полиелей.

В воскресные дни, Господские и Богородичные праздники, а также в дни памяти известных святых поется ПОЛИЕЛЕЙ: избранные стихи псалмов 134 и 135.

Священник в это время кадит: сперва аналой с праздничной иконой с четырех сторон, потом переходит к престолу и кадит его с четырех сторон, стены помещения по часовой стрелке, всех собравшихся, а затем престол спереди и горнее место. И возвращается к аналою, для пропевания величания.

Хвали́те Имя Госпо́дне, хвали́те, раби́, Го́спода.

Аллилу́ия, аллилу́ия, аллилу́ия.

Благослове́н Госпо́дь от Сио́на, живы́й во Иерусали́ме.

Аллилу́ия, аллилу́ия, аллилу́ия.

Испове́дайтеся Го́сподеви, я́ко Благ, я́ко в век ми́лость Его́.

Аллилу́ия, аллилу́ия, аллилу́ия.

Испове́дайтеся Бо́гу Небе́сному, я́ко в век ми́лость Его́.

Аллилу́ия, аллилу́ия, аллилу́ия.

 

После чего поется троекратное величание Господу, Матери Божией или святым (см. ПРИЛОЖЕНИЕ 2).

 

В воскресные дни поются тропари св. Иоанна Дамаскина, глас 5:

Благослове́н еси́, Го́споди,/ научи́ мя оправда́нием Твои́м.

Ангельский собо́р удиви́ся,/ зря Тебе́ в ме́ртвых вмени́вшася,/ сме́ртную же, Спа́се, кре́пость разори́вша,/ и с Собо́ю Ада́ма воздви́гша,/ и от а́да вся свобо́ждша.

 

Благослове́н еси́, Го́споди,/ научи́ мя оправда́нием Твои́м.

Почто́ ми́ра с ми́лостивными слеза́ми,/ о, учени́цы, растворя́ете?/ Блиста́яйся во гро́бе Ангел/ мироно́сицам веща́ше:/ ви́дите вы гроб и уразуме́йте:/ Спас бо воскре́се от гро́ба.

 

Благослове́н еси́, Го́споди,/ научи́ мя оправда́нием Твои́м.

Зело́ ра́но мироно́сицы теча́ху/ ко гро́бу Твоему́ рыда́ющя,/ но предста́ к ним Ангел и рече́:/ рыда́ния вре́мя преста́, не пла́чите,/ Воскресе́ние же апо́столом рцы́те.

 

Благослове́н еси́, Го́споди,/ научи́ мя оправда́нием Твои́м.

Мироно́сицы жены́ с ми́ры прише́дшя/ ко гро́бу Твоему́, Спа́се, рыда́ху,/ Ангел же к ним рече́, глаго́ля:/ что с ме́ртвыми Жива́го помышля́ете?/ Яко Бог бо воскре́се от гро́ба.

 

Сла́ва Отцу́ и Сы́ну и Свято́му Ду́ху.

Поклони́мся Отцу́/ и Его́ Сы́нови, и Свято́му Ду́ху,/ Святе́й Тро́ице во еди́ном существе́,/ с Серафи́мы зову́ще:/ Свят, Свят, Свят еси́, Го́споди.

 

И ны́не и при́сно, и во ве́ки веко́в. Ами́нь.

Жизнода́вца ро́ждши,/ греха́, Де́во, Ада́ма изба́вила еси́,/ ра́дость же Еве в печа́ли ме́сто подала́ еси́,/ па́дшия же от жи́зни/ к сей напра́ви/ из Тебе́ воплоти́выйся Бог и Челове́к.

 

Аллилу́ия, аллилу́ия, аллилу́ия, сла́ва Тебе́, Бо́же. (трижды)

 

Малая ектения:

Па́ки/ и па́ки,/ ми́ром Го́споду/ помо́лимся.

Лик: Господи, помилуй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Господи, помилуй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе, Господи.

Возглашение: Яко благослови́ся Имя Твое́/ и просла́вися Ца́рство Твое́,/ Отца́/ и Сы́на/ и Свята́го Ду́ха,/ ны́не /и при́сно/ и во ве́ки веко́в.

Лик: Ами́нь.

 

Ипакои и седальны. Читаются по полиелее (если есть).

 

Степенна, 4 глас 1-й антифон (поется в Неделю 4-го гласа, а также в двунадесятые, великие праздники и в дни памяти святых, которым совершается всенощное бдение):

Лик: От ю́ности моея́/ мно́зи бо́рют мя стра́сти,/ но Сам мя заступи́,/ и спаси́, Спа́се мой.

Ненави́дящии Сио́на,/ посрами́теся от Го́спода,/ я́ко трава́ бо огне́м/ бу́дете изсо́хше.

Сла́ва, и ны́не:

Святы́м Ду́хом/ вся́ка душа́ живи́тся,/ и чистото́ю возвыша́ется,/ светле́ется Тро́йческим Еди́нством священнота́йне.

 

Прокимны.

Образец чтения прокимна, глас 1:

Во́нмем. Прему́дрость, во́нмем. Проки́мен, глас 1:

И произносится прокимен целиком: Ны́не воскресну́, глаго́лет Госпо́дь,/ положу́ся во спасе́ние, не обиню́ся о нем.

Лик пропевает его: Ны́не воскресну́, глаго́лет Госпо́дь,/ положу́ся во спасе́ние, не обиню́ся о нем.

Произносится стих к прокимну: Словеса́ Госпо́дня, словеса́ чи́ста, сребро́ разжже́но, искуше́но земли́, очище́но седмери́цею.

Лик снова пропевает прокимен: Ны́не воскресну́, глаго́лет Госпо́дь,/ положу́ся во спасе́ние, не обиню́ся о нем.

Затем произносится только первая половина прокимна: Ны́не воскресну́, глаго́лет Госпо́дь,…

А лик пропевает его окончание: …положу́ся во спасе́ние, не обиню́ся о нем.

И таким же образом читаются все остальные прокимны:

 

Прокимны воскресные (в субботу на вечернем богослужении):

Глас 2: Воста́ни, Го́споди Бо́же мой, повеле́нием, и́мже запове́дал еси́,/ и сонм люде́й обы́дет Тя.

Стих: Го́споди, Бо́же мой, на Тя упова́х, спаси́ мя.

Глас 3: Рцы́те во язы́цех, я́ко Госпо́дь воцари́ся,/ и́бо испра́ви вселе́нную, я́же не подви́жится.

Стих: Воспо́йте Го́сподеви песнь но́ву, воспо́йте Го́сподеви, вся земля́.

Глас 4: Воскресни́, Го́споди, помози́ нам,/ и изба́ви нас и́мене Твоего́ ра́ди.

Стих: Бо́же, уши́ма на́шима услы́шахом, и отцы́ на́ши возвести́ша нам.

Глас 5: Воскресни́, Го́споди Бо́же мой, да вознесе́тся рука́ Твоя́,/ я́ко Ты ца́рствуеши во ве́ки.

Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.

Глас 6: Го́споди, воздви́гни си́лу Твою́,/ и прииди́, во е́же спасти́ нас.

Стих: Пасы́й Изра́иля вонми́, наставля́яй, я́ко овча́, Ио́сифа.

Глас 7: Воскресни́, Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́.

Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.

Глас 8: Воцари́тся Госпо́дь во век,/ Бог твой, Сио́не, в род и род.

Стих: Хвали́, душе́ моя́, Го́спода, восхвалю́ Го́спода в животе́ мое́м.

 

Прокимны праздникам и святым написаны в Минее или богослужебных указаниях.

 

Священник: Го́споду помо́лимся.

Лик: Го́споди, поми́луй.

Священник: Яко Свят еси́, Бо́же наш, и во святы́х почива́еши, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

 

Вся́кое дыха́ние да хва́лит Го́спода.

Лик: Вся́кое дыха́ние да хва́лит Го́спода.

Хвали́те Бо́га во святы́х Его́, хвали́те Его́ во утверже́нии си́лы Его́.

Лик: Вся́кое дыха́ние да хва́лит Го́спода.

Вся́кое дыха́ние...

Лик: Да хва́лит Го́спода.

 

Священник: И о сподо́битися нам слы́шанию Свята́го Ева́нгелия, Го́спода Бо́га мо́лим.

Лик: Го́споди, поми́луй. (трижды)

Священник: Прему́дрость, про́сти! Услы́шим Свята́го Ева́нгелия. Мир всем.

Лик: И ду́хови твоему́.

От Матфе́я (Ма́рка, Луки́, или Иоа́нна) Свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́!

Диакон: Во́нмем.

 

Евангелие.

Чтение Евангельского зачала начинается по смыслу, со слов:

"Во вре́мя о́но", "Рече Госпо́дь", "Рече Господь Свои́м ученико́м", "Во дне́х о́нех ", "Во дни о́ны"…

Надо помнить, что в интернете существует готовый список евангельских зачал, с их номерами, чтобы можно было, без труда, выбрать канонически правильное начало читаемого фрагмента.

 

Лик (сразу по прочтении Евангелия): Сла́ва Тебе́, Го́споди, сла́ва Тебе́!

 

В воскресные дни поется «Воскресная песнь по Евангелии», глас 6:

Воскресе́ние Христо́во ви́девше,/ поклони́мся Свято́му Го́споду Иису́су,/ Еди́ному Безгре́шному./ Кресту́ Твоему́ покланя́емся, Христе́,/ и свято́е Воскресе́ние Твое́ пое́м и сла́вим:/ Ты бо еси́ Бог наш,/ ра́зве Тебе́ ино́го не зна́ем,/ Имя Твое́ имену́ем./ Прииди́те, вси ве́рнии,/ поклони́мся свято́му Христо́ву Воскресе́нию:/ се бо прии́де Кресто́м ра́дость всему́ ми́ру./ Всегда́ благословя́ще Го́спода,/ пое́м Воскресе́ние Его́:/ распя́тие бо претерпе́в,// сме́ртию смерть разруши́.

 

Псалом 50: (можно опустить)

Поми́луй мя, Бо́же, по вели́цей ми́лости Твое́й,/ и по мно́жеству щедро́т Твои́х очи́сти беззако́ние мое́./ Наипа́че омы́й мя от беззако́ния моего́,/ и от греха́ моего́ очи́сти мя./ Яко беззако́ние мое́ аз зна́ю,/ и грех мой предо мно́ю есть вы́ну./ Тебе́ Еди́ному согреши́х,/ и лука́вое пред Тобо́ю сотвори́х:/ я́ко да оправди́шися во словесе́х Твои́х,/ и победи́ши внегда́ суди́ти Ти./ Се бо в беззако́ниих зача́т есмь,/ и во гресе́х роди́ мя ма́ти моя́./ Се бо и́стину возлюби́л еси́,/ безве́стная и та́йная прему́дрости Твоея́ яви́л ми еси́./ Окропи́ши мя иссо́пом, и очи́щуся:/ омы́еши мя, и па́че сне́га убелю́ся./ Слу́ху моему́ да́си ра́дость и весе́лие,/ возра́дуются ко́сти смире́нныя./ Отврати́ Лице́ Твое́ от грех мои́х,/ и вся беззако́ния моя́ очи́сти./ Се́рдце чи́сто сози́жди во мне, Бо́же,/ и дух прав обнови́ во утро́бе мое́й./ Не отве́ржи мене́ от Лица́ Твоего́,/ и Ду́ха Твоего́ Свята́го не отыми́ от мене́./ Возда́ждь ми ра́дость спасе́ния Твоего́,/ и Ду́хом Влады́чним утверди́ мя./ Научу́ беззако́нныя путе́м Твои́м,/ и нечести́вии к Тебе́ обратя́тся./ Изба́ви мя от крове́й, Бо́же, Бо́же спасе́ния моего́,/ возра́дуется язы́к мой пра́вде Твое́й./ Го́споди, устне́ мои́ отве́рзеши,/ и уста́ моя́ возвестя́т хвалу́ Твою́./ Яко а́ще бы восхоте́л еси́ же́ртвы, дал бых у́бо:/ всесожже́ния не благоволи́ши./ Же́ртва Бо́гу дух сокруше́н:/ се́рдце сокруше́нно и смире́нно Бог не уничижи́т./ Ублажи́, Го́споди, благоволе́нием Твои́м Сио́на,/ и да сози́ждутся сте́ны Иерусали́мския./ Тогда́ благоволи́ши же́ртву пра́вды, возноше́ние и всесожега́емая:// тогда́ возложа́т на олта́рь Твой тельцы́.

 

Лик: Сла́ва Отцу́, и Сы́ну, и Свято́му Ду́ху:

Моли́твами апо́столов*,/ Ми́лостиве, очи́сти// мно́жества согреше́ний на́ших.

*В двунадесятые праздники стихи на «Слава, и ныне:» заменяются на другие. Смотри службу праздника.

На вечернем богослужении под праздник святого вместо «Молитвами апостолов» воспевается празднуемый святой: «Молитвами святителя Николая, Молитвами святаго славнаго Пророка, Предтечи и Крестителя Господня Иоанна» и т. п.

В Богородичные праздники вместо «Молитвами апостолов» поём «Молитвами Богородицы».

 

Лик: И ны́не, и при́сно, и во ве́ки веко́в. Ами́нь.

Моли́твами Богоро́дицы,/ Ми́лостиве, очи́сти// мно́жества согреше́ний на́ших.

 

Далее, глас 6: Поми́луй мя, Бо́же,/ по вели́цей ми́лости Твое́й,/ и по мно́жеству щедро́т Твои́х// очи́сти беззако́ние мое́.

 

Затем поется стихи́ра воскресная на глас 6**:

Воскре́с Иису́с от гро́ба,/ я́коже прорече́,/ даде́ нам живо́т ве́чный// и ве́лию ми́лость.

**В дни праздников здесь поётся стихира по 50-м псалме из службы праздника.

 

Следующая молитва читается только, если не было Литии:

Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, свята́га Архистрати́га Бо́жияго Серафи́ма, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни Ольги; и́же во святы́х оте́ц на́ших святи́теля Михаи́ла, пе́рваго митрополи́та Ки́евскаго; первосвяти́телей Моско́вских и всея́ Руси́ Петра́, Алекси́я, Ио́ны, Мака́рия, Фили́ппа, И́ова, Ермоге́на и Ти́хона; митрополи́тов Моско́вских Филаре́та, Инноке́нтия и Мака́рия; святи́телей (имярек, епархиальных); святы́х Ца́рственных Му́чеников: Царя́-Искупи́теля Росси́и Никола́я, Цари́цы-Му́ченицы Алекса́ндры, Цесаре́вича-Му́ченика Алекси́я, Царе́вен-Му́чениц О́льги, Татиа́ны, Мари́и и Анастаси́и; преподобному́чениц вели́кия княги́ни Елисаве́ты и и́нокини Варва́ры и всех новому́чеников и испове́дников Росси́йских; преподобных отце́в и ма́терей на́ших, ста́рцев и ста́риц Росси́йских; святы́х пра́ведных Иоа́нна Кроншта́дтскаго и Алекси́я Моско́вскаго; святы́х блаже́нных Ксе́нии Петербу́ржския и Матро́ны Моско́вския; святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и мiр Твой, и спаси́ ду́ши на́ша, я́ко благ и человеколю́бец.

Лик: Го́споди, поми́луй. (12 раз)

Таже глаголет священник возгласно:

Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со пресвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

 

Каноны.

В обычные дни читаются каноны, взятые из Минеи или Октоиха. Их можно скачать также из интернета. Под воскресные дни каноны, взятые из Октоиха: воскресен, крестовоскресен, Богородицы по два тропаря из каждого канона, и сколько есть тропарей из Минеи празднуемому святому (святым).

При желании можно заменить канон на чтение акафиста. Можно читать определенные каноны по дням недели: в понедельник Ангелу-Хранителю или Небесным Силам Безплотным, во вторник – Иоанну Крестителю, в среду - Божией Матери, в четверг - Архистратигу Серафиму, Святителю Николаю или Апостолам. В пятницу - Кресту Господню или Самому Господу.

Для образца здесь помещен канон Ангелу-Хранителю, глас 8:

 

Песнь 1.

Ирмос: Пои́м Го́сподеви,/ прове́дшему лю́ди Своя́ сквозе́ Чермно́е мо́ре,/ я́ко еди́н сла́вно просла́вися.

Припев: Го́споди Иису́се Христе́ Бо́же мой, поми́луй мя.

Песнь воспе́ти и восхвали́ти, Спа́се,/ Твоего́ раба́ досто́йно сподо́би,/ безпло́тному Áнгелу, наста́внику и храни́телю моему́.

Припев: Святы́й Áнгеле Бо́жий, храни́телю мой, моли́ Бо́га о мне.

Еди́н аз в неразу́мии и в ле́ности ны́не лежу́,/ наста́вниче мой и храни́телю,/ не оста́ви мене́, погиба́юща.

Слава: Ум мой твое́ю моли́твою напра́ви,/ твори́ти ми Бо́жия повеле́ния,/ да получу́ от Бо́га отда́ние грехо́в,/ и ненави́дети ми злых наста́ви мя, молю́ся ти.

И ны́не: Моли́ся, Деви́це, о мне, рабе́ Твое́м, ко Благода́телю,/ со храни́телем мои́м Áнгелом,/ и наста́ви мя твори́ти за́поведи Сы́на Твоего́ и Творца́ моего́.

 

Песнь 3.

Ирмос: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Припев: Святы́й Áнгеле Бо́жий, храни́телю мой, моли́ Бо́га о мне.

Все помышле́ние мое́ и ду́шу мою́ к тебе́ возложи́х, храни́телю мой;/ ты от вся́кия мя напа́сти вра́жия изба́ви.

Враг попира́ет мя, и озлобля́ет,/ и поуча́ет всегда́ твори́ти своя́ хоте́ния;/ но ты, наста́вниче мой,/ не оста́ви мене́ погиба́юща.

Слава: Пе́ти песнь со благодаре́нием и усе́рдием/ Творцу́ и Бо́гу даждь ми,/ и тебе́, благо́му Áнгелу храни́телю моему́:/ изба́вителю мой, изми́ мя от враг озлобля́ющих мя.

И ны́не: Исцели́, Пречи́стая, моя́ многонеду́жныя стру́пы, я́же в души́,/ прожени́ враги́, и́же при́сно бо́рются со мно́ю.

 

Малая ектения:

Па́ки/ и па́ки,/ ми́ром Го́споду помо́лимся./

Лик: Го́споди, поми́луй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Го́споди, поми́луй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе́, Го́споди.

Возглашение: Я́ко Ты еси́ Бог наш, Бог ми́ловати и спаса́ти, и Тебе́ сла́ву возсыла́ем,/ Отцу́,/ и Сы́ну,/ и Свято́му Ду́ху,/ ны́не,/ и при́сно,/ и во ве́ки веко́в.

Лик: Ами́нь.

 

Седален, глас 2: От любве́ душе́вныя вопию́ ти,/ храни́телю моея́ души́, всесвяты́й мой Áнгеле:/ покры́й мя и соблюди́ от лука́ваго ловле́ния всегда́,/ и к жи́зни наста́ви небе́сней,/ вразумля́я и просвеща́я и укрепля́я мя.

Слава, и ныне, Богородичен: Богоро́дице безневе́стная Пречи́стая,/ Я́же без се́мени ро́ждши всех Влады́ку,/ Того́ со Áнгелом храни́телем мои́м моли́,/ изба́вити ми ся вся́каго недоуме́ния,/ и да́ти умиле́ние и свет души́ мое́й и согреше́нием очище́ние,/ Я́же еди́на вско́ре заступа́ющи.

 

Песнь 4.

Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́,/ и просла́вих Твое́ Божество́.

Припев: Святы́й Áнгеле Бо́жий, храни́телю мой, моли́ Бо́га о мне.

Моли́ Человеколю́бца Бо́га ты, храни́телю мой,/ и не оста́ви мене́,/ но при́сно в ми́ре житие́ мое́ соблюди́/ и пода́ждь ми спасе́ние необори́мое.

Я́ко засту́пника и храни́теля животу́ моему́ прие́м тя от Бо́га, Áнгеле,/ молю́ тя, святы́й,/ от вся́ких мя бед свободи́.

Слава: Мою́ скве́рность твое́ю святы́нею очи́сти, храни́телю мой,/ и от ча́сти шу́ия да отлуче́н бу́ду моли́твами твои́ми/ и прича́стник сла́вы явлю́ся.

И ныне: Недоуме́ние предлежи́т ми от обыше́дших мя зол, Пречи́стая,/ но изба́ви мя от них ско́ро:/ к Тебе́ бо еди́ней прибего́х.

 

Песнь 5.

Ирмос: У́тренююще вопие́м Ти:/ Го́споди, спаси́ ны;/ Ты бо еси́ Бог наш,/ ра́зве Тебе́ ино́го не ве́мы.

Припев: Святы́й Áнгеле Бо́жий, храни́телю мой, моли́ Бо́га о мне.

Я́ко име́я дерзнове́ние к Бо́гу,/ храни́телю мой святы́й,/ Сего́ умоли́ от оскорбля́ющих мя зол изба́вити.

Све́те све́тлый, све́тло просвети́ ду́шу мою́,/ наста́вниче мой и храни́телю,/ от Бо́га да́нный ми Áнгеле.

Слава: Спя́ща мя зле тягото́ю грехо́вною,/ я́ко бдя́ща сохрани́, Áнгеле Бо́жий,/ и возста́ви мя на славосло́вие моле́нием твои́м.

И ны́не: Мари́е, Госпоже́ Богоро́дице безневе́стная, наде́ждо ве́рных,/ вра́жия возноше́ния низложи́,/ пою́щия же Тя возвесели́.

 

Песнь 6.

Ирмос: Ри́зу ми пода́ждь све́тлу,/ одея́йся све́том я́ко ри́зою,/ многоми́лостиве Христе́ Бо́же наш.

Припев: Святы́й Áнгеле Бо́жий, храни́телю мой, моли́ Бо́га о мне.

Вся́ких мя напа́стей свободи́, и от печа́лей спаси́,/ молю́ся ти, святы́й Áнгеле, да́нный ми от Бо́га,/ храни́телю мой до́брый.

Освети́ ум мой, бла́же, и просвети́ мя,/ молю́ся ти, святы́й Áнгеле,/ и мы́слити ми поле́зная всегда́ наста́ви мя.

Слава: Уста́ви се́рдце мое́ от настоя́щаго мяте́жа,/ и бде́ти укрепи́ мя во благи́х, храни́телю мой,/ и наста́ви мя чу́дно к тишине́ живо́тней.

И ны́не: Сло́во Бо́жие в Тя всели́ся, Богоро́дице,/ и челове́ком Тя показа́ небе́сную ле́ствицу;/ Тобо́ю бо к нам Вы́шний соше́л есть.

 

Малая ектения:

Па́ки/ и па́ки,/ ми́ром Го́споду помо́лимся./

Лик: Го́споди, поми́луй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Го́споди, поми́луй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе́, Го́споди.

Возглашение: Ты бо еси́ Царь Ми́ра,/ и Спас душ на́ших,/ и Тебе́ славу возсыла́ем,/ Отцу́,/ и Сы́ну,/ и Свято́му Ду́ху,/ ны́не,/ и при́сно,/ и во ве́ки веко́в.

Лик: Ами́нь.

 

Кондак, глас 4: Яви́ся мне милосе́рд, святы́й Áнгеле Госпо́день, храни́телю мой,/ и не отлуча́йся от мене́, скве́рнаго,/ но просвети́ мя све́том неприкоснове́нным/ и сотвори́ мя досто́йна Ца́рствия Небе́снаго.

Икос: Уничиже́нную ду́шу мою́ мно́гими собла́зны,/ ты, святы́й предста́телю,/ неизрече́нныя сла́вы небе́сныя сподо́би,/ и певе́ц с ли́ки безпло́тных сил Бо́жиих,/ поми́луй мя и сохрани́, и по́мыслы до́брыми ду́шу мою́ просвети́,/ да твое́ю сла́вою, Áнгеле мой, обогащу́ся,/ и низложи́ зломы́слящия мне враги́,/ и сотвори́ мя досто́йна Ца́рствия Небе́снаго.

 

Песнь 7.

Ирмос: От Иуде́и доше́дше о́троцы,/ в Вавило́не иногда́,/ ве́рою Тро́ическою пла́мень пе́щный попра́ша, пою́ще:/ отце́в Бо́же, благослове́н еси́.

Припев: Святы́й Áнгеле Бо́жий, храни́телю мой, моли́ Бо́га о мне.

Ми́лостив бу́ди ми, и умоли́ Бо́га, Госпо́день Áнгеле,/ име́ю бо тя засту́пника во всем животе́ мое́м, наста́вника же и храни́теля,/ от Бо́га дарова́ннаго ми во ве́ки.

Не оста́ви в путь ше́ствующия души́ моея́ окая́нныя/ уби́ти разбо́йником, святы́й Áнгеле,/ я́же ти от Бо́га предана́ бысть непоро́чне;/ но наста́ви ю́ на путь покая́ния.

Слава: Всю посра́млену ду́шу мою́/ привожду́ от лука́вых ми по́мысл и дел:/ но предвари́, наста́вниче мой,/ и исцеле́ние ми пода́ждь благи́ми по́мыслы,/ уклоня́ти ми ся всегда́ на пра́выя стези́.

И ны́не: Прему́дрости испо́лни всех и кре́пости Боже́ственныя,/ Ипоста́сная Прему́дросте Вы́шняго, Богоро́дицы ра́ди, ве́рою вопию́щих:/ оте́ц на́ших Бо́же, благослове́н еси́.

 

Песнь 8.

Ирмос: Царя́ Небе́снаго,/ Его́же пою́т во́и а́нгельстии,/ хвали́те и превозноси́те во вся ве́ки.

Припев: Святы́й Áнгеле Бо́жий, храни́телю мой, моли́ Бо́га о мне.

От Бо́га по́сланный,/ утверди́ живо́т мой, раба́ твоего́, преблаги́й Áнгеле,/ и не оста́ви мене́ во ве́ки.

А́нгела тя су́ща бла́га,/ души́ моея́ наста́вника и храни́теля, преблаже́нне,/ воспева́ю во ве́ки.

Слава: Бу́ди ми покро́в и забра́ло/ в день испыта́ния всех челове́к,/ во́ньже огне́м искуша́ются дела́ блага́я же и зла́я.

И ны́не: Бу́ди ми помо́щница и тишина́, Богоро́дице Присноде́во, рабу́ Твоему́,/ и не оста́ви мене́ лише́на бы́ти Твоего́ влады́чества.

 

По 8-й песни канона глаголем:

Богоро́дицу и Ма́терь Све́та в пе́снех возвели́чим.

 

И поем песнь Пресвятыя Богородицы.

Если служит священник, то он в это время кадит весь храм, как в начале богослужения, приостановив каждение перед иконой Божией Матери для изображения кадилом вертикального креста и произнесения слов:

Богоро́дицу и Ма́терь Све́та в пе́снех возвели́чим.

 

Лик: Вели́чит душа́ Моя́ Го́спода/ и возра́довася дух Мой о Бо́зе Спа́се Мое́м.

К каждому стиху припеваем:

Честне́йшую Херуви́м/ и сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

Я́ко призре́ на смире́ние рабы́ Своея́,/ се бо, от ны́не ублажа́т Мя вси ро́ди.

Честне́йшую Херуви́м…

Я́ко сотвори́ Мне вели́чие Си́льный,/ и свя́то и́мя Его́,/ и ми́лость Его́ в ро́ды родо́в боя́щимся Его́.

Честне́йшую Херуви́м…

Сотвори́ держа́ву мы́шцею Свое́ю,/ расточи́ го́рдыя мы́слию се́рдца их.

Честне́йшую Херуви́м…

Низложи́ си́льныя со престо́л,/ и вознесе́ смире́нныя, а́лчущия испо́лни благ,/ и богатя́щияся отпусти́ тщи.

Честне́йшую Херуви́м…

Восприя́т Изра́иля о́трока Своего́,/ помяну́ти ми́лости,/ я́коже глаго́ла ко отце́м на́шим,/ Авраа́му и се́мени его́ да́же до ве́ка.

Честне́йшую Херуви́м…

 

Песнь 9.

Ирмос: Вои́стинну Богоро́дицу/ Тя испове́дуем,/ спасе́ннии Тобо́ю, Де́во чи́стая,/ с безпло́тными ли́ки Тя велича́юще.

Припев: Го́споди Иису́се Христе́ Бо́же мой, поми́луй мя.

Поми́луй мя, еди́не Спа́се мой,/ я́ко ми́лостив еси́ и милосе́рд,/ и пра́ведных лико́в сотвори́ мя прича́стника.

Припев: Святы́й Áнгеле Бо́жий, храни́телю мой, моли́ Бо́га о мне.

Мы́слити ми при́сно и твори́ти, Госпо́день Áнгеле,/ блага́я и поле́зная да́руй,/ я́ко си́льна яви́ в не́мощи и непоро́чна.

Слава: Я́ко име́я дерзнове́ние к Царю́ Небе́сному, Того́ моли́,/ с про́чими безпло́тными, поми́ловати мя, окая́ннаго.

И ны́не: Мно́го дерзнове́ние иму́щи, Де́во, к Вопло́щшемуся из Тебе́,/ преложи́ мя от уз и разреше́ние ми пода́ждь и спасе́ние, моли́твами Твои́ми.

 

По 9-й песни, в простые дни читается:

Досто́йно есть я́ко вои́стинну блажи́ти Тя, Богоро́дицу,/ Присноблаже́нную и Пренепоро́чную и Ма́терь Бо́га на́шего. Честне́йшую Херуви́м/ и сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

 

Но в субботу вечером вместо Досто́йно есть возглашается:

Свят Госпо́дь Бог наш.

Лик: Свят Госпо́дь Бог наш.

Я́ко Свят Госпо́дь Бог наш.

Лик: Свят Госпо́дь Бог наш.

Над все́ми людьми́ Бог наш.

Лик: Свят Госпо́дь Бог наш.

 

И в субботу вечером произносится еще Малая ектения:

Па́ки/ и па́ки,/ ми́ром Го́споду/ помо́лимся.

Лик: Господи, помилуй.

Заступи́,/ спаси́,/ поми́луй/ и сохрани́ нас,/ Бо́же,/ Твое́ю благода́тию.

Лик: Господи, помилуй.

Пресвяту́ю,/ Пречи́стую,/ Преблагослове́нную,/ Сла́вную/ Влады́чицу на́шу Богоро́дицу/ и Присноде́ву Мари́ю/ со все́ми святы́ми помяну́вше,/ са́ми себе́/ и друг дру́га,/ и весь живо́т наш/ Христу́ Бо́гу предади́м.

Лик: Тебе, Господи.

Возглашение: Яко Тя хва́лят/ вся Си́лы Небе́сныя/ и Тебе́ славу возсыла́ем,/ Отцу́,/ и Сы́ну,/ и Свято́му Ду́ху,/ ны́не,/ и при́сно,/ и во ве́ки веко́в.

Лик: Ами́нь.

 

Затем поется Ексапостиларий дня по порядку в соответствии с Евангелием на Утрени или святаго из Минеи.

 

Ексапостиларии дня.

Ексапостиларий 1, по Евангелию Мф.28:16-20:

Со ученики́ взы́дем на го́ру Галиле́йскую, ве́рою Христа́ ви́дети глаго́люща власть прия́ти вы́шних и ни́жних, научи́мся: ка́ко учи́т креща́ти во и́мя Отца́, и Сы́на, и Свята́го Ду́ха, язы́ки вся, и пребыва́ти с таи́нники, я́коже обеща́ся, до сконча́ния ве́ка.

Ексапостиларий 2, по Евангелию Мк.16:1-8:

Ка́мень узре́вша отвале́н, мироно́сицы ра́довахуся, ви́деша бо ю́ношу седя́ща во гро́бе, и той тем рече́: се Христо́с воста́л есть, рцы́те с Петро́м ученико́м: на го́ру приспе́йте Галиле́йскую, та́мо вам яви́тся, я́коже предрече́ друго́м.

Ексапостиларий 3, по Евангелию Мк.16:9-20:

Я́ко Христо́с воскре́се, никто́же да не ве́рует: яви́ся бо Мари́и, пото́м же ви́ден бысть на село́ иду́щима, таи́нником же па́ки яви́ся возлежа́щим единона́десятим, и́хже креща́ти посла́в, на небеса́ вознесе́ся, отню́дуже и сни́де, утвержда́я пропове́дание мно́жествы зна́мений.

Ексапостиларий 4, по Евангелию Лк.24:1-12:

Доброде́тельми блиста́вшеся, ви́дим предстоя́ща в живоно́снем гро́бе му́жа в блеща́щихся ри́зах: мироно́сицам прекло́ньшим ли́ца на зе́млю, небесы́ Влады́чествующаго воскресе́нию да научи́мся, и к Живота́ гро́бу с Петро́м притеце́м, и соде́янному уди́вльшеся, пребу́дем Христа́ ви́дети.

Ексапостиларий 5, по Евангелию Лк.24:12-35:

Живо́т и путь, Христо́с воста́ из ме́ртвых, Клео́пе и Луце́ спутеше́ствова, и́маже и позна́ся во Еммау́се, преломля́я хлеб: ею́же ду́ши и сердца́ горя́ща бя́ху, егда́ те́ма глаго́лаше на пути́, и писа́ния ска́зоваше, я́же претерпе́. С ни́маже, воста́, зове́м, яви́ся же и Петро́ви.

Ексапостиларий 6, по Евангелию Лк.24:36-53:

Показу́я, я́ко челове́к еси́ Спа́се, по существу́, посреде́ став воскре́с от гро́ба, и бра́шна сопричасти́лся еси́, учи́л еси́ креще́нию покая́ния. А́бие же к Небе́сному возне́слся еси́ Отцу́, и ученико́м Уте́шителя посла́ти обеща́л еси́, Пребоже́ственный Богочелове́че. Сла́ва Твоему́ воста́нию.

Ексапостиларий 7, по Евангелию Ин.20:1-10:

Я́ко взя́ша Го́спода, Мари́и ре́кшей, на гроб теча́ста, Си́мон Петр, и други́й таи́нник Христо́в, его́же любля́ше: теча́ста же о́ба, и обрето́ста плащани́цы еди́ны внутрь лежа́ща, и главны́й же бе суда́рь кроме́ их. Те́мже па́ки умолча́ста, до́ндеже Христа́ ви́деста.

Ексапостиларий 8, по Евангелию Ин.20:11-18:

Два А́нгела ви́девши внутрь гро́ба, Мари́я удивля́шеся, и Христа́ не зна́ющи, я́ко вертогра́даря вопроша́ше: го́споди, где положи́л еси́ те́ло Иису́са моего́? Зва́нием же Того́ позна́вши бы́ти Самого́ Спа́са, слы́ша: не прикаса́йся Мне, ко Отцу́ отхожду́, рцы бра́тии Мое́й.

Ексапостиларий 9, по Евангелию Ин.20:19-31:

Заключе́нным Влады́ко две́рем, я́ко вшел еси́, Апо́столы испо́лнил еси́ Ду́ха Пресвята́го, ми́рно ду́нув, и́мже вяза́ти же и реша́ти грехи́ рекл еси́: и по осми́ днех Твоя́ ре́бра Ôоме́ показа́л еси́, и ру́це. С ни́мже вопие́м: Госпо́дь и Бог Ты еси́.

Ексапостиларий 10, по Евангелию Ин.21:1-14:

Тивериа́дское мо́ре с детьми́ Зеведе́евыми, Нафана́ила с Петро́м же и со други́ма двема́ дре́вле, и Ôому́ имя́ше на ло́ве, и́же Христо́вым повеле́нием одесну́ю вве́ргше, мно́жество извлеко́ша рыб: Его́же Петр позна́в, к Нему́ бродя́ше, и́мже тре́тие явле́йся, и хлеб показа́, и ры́бу на у́глех.

Ексапостиларий 11, по Евангелию Ин.21:15-25:

По Боже́ственнем воста́нии, три́жды Петра́, лю́биши ли Мя, вопроша́я Госпо́дь, Свои́х ове́ц предлага́ет пастыренача́льника: и́же ви́дя, его́же любля́ше Иису́с, во след гряду́ща, вопроша́ше Влады́ку: сей же что? А́ще хощу́, рече́, пребыва́ти сему́, до́ндеже и па́ки прииду́, что к тебе́, дру́же Пе́тре?

 

Здесь читаются стихиры на стиховне из вечерней службы Минеи или Октоиха со своими стихами и Богородичном, согласно богослужебным указаниям.

 

Молитва святаго Симеона Богоприимца:

Ны́не отпуща́еши раба́ Твоего́, Влады́ко,/ по глаго́лу Твоему́ с ми́ром:/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,/ и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (трижды)

Сла́ва, и ны́не:

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Возглашение: Я́ко Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

 

Во все дни кроме вечера субботы: тропарь праздника, святаго или дня (трижды).

В субботу вечером (при воскресном богослужении) вместо тропарей и богородична читается:

Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ Благослове́на Ты в жена́х, и Благослове́н Плод чре́ва Твоего́,/ я́ко Спа́са родила́ еси́ душ на́ших. (трижды)

Если в воскресные дни есть празднуемый святой, то Богородице Дево… (дважды) и тропарь святому.

 

В Великий пост или если пето «Аллилуиа» читается следующее:

Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ Благослове́на Ты в жена́х, и Благослове́н Плод чре́ва Твоего́,/ я́ко Спа́са родила́ еси́ душ на́ших. (поклон поясной)

Сла́ва: Святый Архистратиже Серафиме, всех нас помяни́,/ да изба́вимся от беззако́ний на́ших:/ тебе бо даде́ся благода́ть моли́тися за ны. (поклон поясной)

И ны́не: Моли́те за ны Предте́че Спа́сов Иоа́нне, святи́и Апо́столи и вси святи́и,/ да изба́вимся от бед и скорбе́й:/ вас бо те́плыя предста́тели ко Спа́су стяжа́хом. (поклон поясной)

Под Твое́ благоутро́бие прибега́ем, Богоро́дице,/ моле́ния на́ша не пре́зри во обстоя́нии,/ но от бед изба́ви ны, Еди́на Чи́стая, Еди́на Благослове́нная. (без поклона)

 

Господи, помилуй. (40 раз)

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в. Ами́нь.

Господи, помилуй. (трижды)

Слава, и ныне:

 

При священническом служении:

Именем Господним благослови, отче.

Возглашение: Бо́же, уще́дри ны и благослови́ ны, просвети́ лице́ Твое́ на ны и поми́луй ны.

Лик: Аминь.

 

 

В Великий пост добавляются земные поклоны с чтением молитвы преподобнаго Ефрема Сирина:

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (земной поклон)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (земной поклон)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (земной поклон)

Потом 12 поясных поклонов с крестным знамением и тихим произношением на каждом поклоне: Бо́же, очи́сти мя, гре́шнаго.

И снова, прочитав всю молитву от начала до конца: Го́споди и Влады́ко живота́ моего́… кладем один земной поклон.

 

Ектения просительная:

Испо́лним вече́рнюю моли́тву на́шу Го́сподеви.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает:

Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

 

Священник: Ми́р всем.

Лик: И ду́хови твоему́.

Священник: Главы́ на́ша Го́сподеви прикло́ним.

Лик: Тебе́, Го́споди.

 

Молитва главопреклонения:

Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

Возглашение: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

 

Священник: Прему́дрость.

Лик: Благослови́.

Священник: Сый благослове́н Христо́с, Бог наш, всегда́, ны́не и при́сно, и во ве́ки веко́в.

Лик: Ами́нь. Утверди́, Бо́же, Держа́щия После́дняго Правосла́внаго Ца́рства, и святу́ю правосла́вную ве́ру, правосла́вных христиа́н во ве́к ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй. (трижды) Благослови́.

 

Священник поворачивается к людям и произносит отпуст:

(Воскресы́й из ме́ртвых, - добавляется только в воскресенье) Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, (и святаго, егоже есть храм, и святаго, егоже есть день), святы́х и пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко благ и человеколю́бец.

 

Лик поет многолетие:

Держа́щия После́днего Правосла́вного Ца́рства, Апо́столов Ца́рстей Правосла́вней Це́ркве и вся правосла́вныя христиа́ны, Го́споди, сохрани́ Их на мно́гая ле́та.

 

Молитва святаго Василия Великаго:

Благослове́н еси́ Влады́ко Вседержи́телю, просвети́вый день све́том со́лнечным, и нощь уясни́вый заря́ми о́гненными, е́же долготу́ дне прейти́ нам сподо́бил еси́, и прибли́житися нача́лом но́щи: услы́ши моле́ние на́ше, и всех люде́й Твои́х, и всех нас прости́ во́льная и нево́льная согреше́ния. Приими́ вече́рняя на́ша моле́ния, и низпосли́ мно́жество ми́лости Твоя́, и щедро́т Твои́х на достоя́ние Твое́. Остени́ нас святы́ми Твои́ми А́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же нам и настоя́щий ве́чер, с приходя́щею но́щию соверше́н, свят, ми́рен, безгре́шен, безбла́знен, безмечта́нен, и вся дни живота́ на́шего, моли́твами святы́я Богоро́дицы, и всех святы́х от ве́ка Тебе́ благоугоди́вших. Ами́нь.

 

Молитва ко Господу нашему Иисусу Христу, Антиоха монаха Пандекта:

И даждь нам, Влады́ко, на сон гряду́щим поко́й те́ла и души́, и сохрани́ нас от мра́чнаго сна грехо́внаго, и от вся́каго те́мнаго и нощна́го сладостра́стия: укроти́ стремле́ния страсте́й, угаси́ разжже́нныя стре́лы лука́ваго, я́же на ны льсти́вно дви́жимыя: пло́ти на́шея воста́ния утоли́, и вся́кое земно́е и веще́ственное на́ше мудрова́ние успи́. И да́руй нам, Бо́же, бодр ум, целому́др по́мысл, се́рдце трезвя́щееся, сон лего́к и вся́каго сатанина́ мечта́ния измене́н. Возста́ви же нас во вре́мя моли́твы утвержде́ны в за́поведех Твои́х, и па́мять суде́б Твои́х в себе́ тве́рду иму́ща: всено́щное славосло́вие нам да́руй, во е́же пе́ти и благослови́ти и сла́вити пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

 

Молитва Ангелу-Хранителю:

А́нгеле Христо́в, храни́телю мой святы́й и покрови́телю души́ и те́ла моего́, вся́ ми прости́, ели́ка согреши́х во дне́шний день, и от вся́каго лука́вствия проти́внаго ми врага́ изба́ви мя, да ни в ко́емже гресе́ прогне́ваю Бо́га моего́ но моли́ за мя гре́шнаго и недосто́йнаго раба́, я́ко да досто́йна мя пока́жеши бла́гости и ми́лости Всесвяты́я Тро́ицы и Ма́тере Го́спода моего́ Иису́са Христа́ и всех святы́х. Ами́нь.

 

Окончание вечерных молитв мирское:

Досто́йно есть я́ко вои́стинну блажи́ти Тя, Богоро́дицу,/ Присноблаже́нную и Пренепоро́чную и Ма́терь Бо́га на́шего. Честне́йшую Херуви́м/ и сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

 

Молитва святаго Иоанникиа:

Упова́ние мое́ Оте́ц, прибе́жище мое́ Сын, покро́в мой Дух Святы́й, Тро́ице Свята́я, сла́ва Тебе́.

 

Сла́ва, и ны́не: Го́споди поми́луй. (трижды)

Го́споди Иису́се Христе́, Сы́не Бо́жий, моли́твами Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй и спаси́ нас, я́ко Бла́г и Человеколю́бец. Ами́нь.

 

ПРИЛОЖЕНИЕ 1

Лития и благословение хлебов.

 

Как и благословение хлебов, Лития совершается по желанию служащего в праздники или перед воскресным богослужением в субботу вечером.

Для этого священнослужитель, прочитав литийные стихиры из Минеи (если есть чтец, то он читает в этот момент), с кадилом в руках отходит в противоположную от алтаря часть помещения, где может быть поставлен столик с пятью хлебами, пшеницей, вином и елеем, но литию можно совершать и без последующего благословения (освящения) хлебов. Кадит эту часть помещения и предстоящих людей по часовой стрелке, а затем возглашает:

Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, свята́га Архистрати́га Бо́жияго Серафи́ма, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, иже во святых отец наших святителя Михаила, перваго митрополита Киевскаго; первосвятителей Московских и всея Руси Петра, Алексия, Ионы, Макария, Филиппа, Иова, Ермогена и Тихона; митрополитов Московских Филарета, Иннокентия и Макария; святителей (имярек, епархиальных); святы́х Ца́рственных Му́чеников: Царя́-Искупи́теля Росси́и Никола́я, Цари́цы-Му́ченицы Алекса́ндры, Цесаре́вича-Му́ченика Алекси́я, Царе́вен-Му́чениц О́льги, Татиа́ны, Мари́и и Анастаси́и; преподобному́чениц вели́кия княги́ни Елисаве́ты и и́нокини Варва́ры и всех новому́чеников и испове́дников Росси́йских; преподобных отце́в и ма́терей на́ших, ста́рцев и ста́риц Росси́йских; святых праведных Иоанна Кронштадтскаго и Алексия Московскаго; святых блаженных Ксении Петербуржския и Матроны Московския; святы́х и пра́ведных богооте́ц Иоаки́ма и А́нны (имярек, егоже есть храм и егоже есть день), и всех святы́х. Мо́лим Тя́, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Лик: Го́споди, поми́луй. (40 раз)

 

Еще́ мо́лимся/ о Держа́щих После́дняго Правосла́внаго Ца́рства,/ о Держа́ве,/ побе́де,/ пребыва́нии,/ ми́ре,/ здра́вии,/ спасе́нии их,/ и Го́споду Бо́гу на́шему/ наипа́че поспеши́ти/ и пособи́ти им во всех,/ и покори́ти под но́зе их/ вся́каго врага́ и супоста́та.

Еще́ мо́лимся о Богохрани́мей держа́ве на́шей Росси́йстей,/ правосла́вных власте́х/ и христолюби́вом во́инстве ея́.

Лик: Го́споди, поми́луй. (30 раз)

 

Еще́ мо́лимся/ об Апо́столех,/ свяще́нницех,/ диа́конех,/ диакони́ссех,/ священномона́сех и мона́сех/ Ца́рстей Правосла́вней Це́ркви/ и всем во Христе́ бра́тстве/ на́шем., и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́, и живу́щих в нем (или ве́си сея́ и живу́щих в ней, или святы́я оби́тели сея́ и живу́щих в ней); о ми́ре, и состоя́нии всего́ мiра; о благостоя́нии святы́х Бо́жиих церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в всех преждеотше́дших оте́ц, ма́терей, бра́тий и се́стер на́ших, зде лежа́щих и повсю́ду правосла́вных; о избавле́нии плене́нных, и о бра́тиях на́ших во слу́жбах су́щих, и о всех служа́щих и служи́вших во святе́м хра́ме сем (аще же во обители: во святе́й оби́тели сей) рцем.

Лик: Го́споди, поми́луй. (50 раз)

 

Еще́ мо́лимся о е́же сохрани́тися гра́ду сему́ (или ве́си сей), и свято́му хра́му сему́ (аще же во обители: святе́й оби́тели сей), и вся́кому гра́ду и стране́, от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти благо́му и человеколюби́вому Бо́гу на́шему, отврати́ти вся́кий гнев на ны дви́жимый, и изба́вити ны от належа́щаго и пра́веднаго Своего́ преще́ния и поми́ловати ны.

Лик: Го́споди, поми́луй. (трижды)

 

Еще́ мо́лимся и о е́же услы́шати Го́споду Бо́гу глас моле́ния нас, гре́шных, и поми́ловати нас.

Лик: Го́споди, поми́луй. (трижды)

 

Также поминает, если хочет, живых и мертвых, тайно.

Священник: Услы́ши ны, Бо́же, Спа́сителю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ ва́ша Го́сподеви приклони́те.

Лик: Тебе́, Го́споди.

 

Все склоняют главы и преклоняются к земле, священник же произносит молитву:

Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных сил безпло́тных, свята́га Архистрати́га Бо́жияго Серафи́ма, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, святы́х сла́вных и добропобе́дных му́чеников, преподо́бных и богоно́сных оте́ц на́ших, и́же во святы́х оте́ц на́ших и вселе́нских вели́ких учи́телей и святи́телей: Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, иже во святых отец наших святителя Михаила, перваго митрополита Киевскаго; первосвятителей Московских и всея Руси Петра, Алексия, Ионы, Макария, Филиппа, Иова, Ермогена и Тихона; митрополитов Московских Филарета, Иннокентия и Макария; святителей (имярек, епархиальных); святы́х Ца́рственных Му́чеников: Царя́-Искупи́теля Росси́и Никола́я, Цари́цы-Му́ченицы Алекса́ндры, Цесаре́вича-Му́ченика Алекси́я, Царе́вен-Му́чениц О́льги, Татиа́ны, Мари́и и Анастаси́и; преподобному́чениц вели́кия княги́ни Елисаве́ты и и́нокини Варва́ры и всех новому́чеников и испове́дников Росси́йских; преподобных отце́в и ма́терей на́ших, ста́рцев и ста́риц Росси́йских; святых праведных Иоанна Кронштадтскаго и Алексия Московскаго; святых блаженных Ксении Петербуржския и Матроны Московския; святы́х и пра́ведных богооте́ц Иоаки́ма и А́нны (имярек, егоже есть храм и егоже есть день), и всех святы́х Твои́х; благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и мiр Твой, и спаси́ ду́ши на́ша, я́ко благ и человеколю́бец.

Лик: Ами́нь.

 

Благословение хлебов:

На небольшом столике, на большом блюде или подносе в верхней части его кладутся пять хлебов (четыре - крестом внизу, один - сверху), внизу блюда ставится чашечка с пшеницей (можно дробленной крупой), слева ставится стаканчик с виноградным вином, а справа стаканчик с елеем, которым затем помазываются люди во время пения канона, а остаток добавляется в пищу. Хлеб же и вино раздаются участникам богослужения после него или во время елеопомазывания. Священник трижды кадит столик с хлебами с четырех сторон, потом взяв верхний хлеб, крестит им прочие хлебы и, положив на место, глаголет молитву:

Священник: Го́споду помо́лимся.

Лик: Го́споди, поми́луй.

Священник: Го́споди Иису́се Христе́, Бо́же наш, благослови́вый пять хле́бов и пять ты́сящ насы́тивый, Сам благослови́ и хле́бы сия (показывает вместе сложенными прямыми пальцами правой руки на них), пшени́цу (переводит указующую руку на нее), вино́ (показывает на сосуд с вином) и еле́й (показывает его, совершив, тем самым, знамение креста), и умно́жи сия́ во гра́де сем (или в ве́си сей, или во святе́й оби́тели сей), и во всем мiре Твое́м, и вкуша́ющия от ни́х ве́рныя освяти́. Я́ко Ты еси́ благословля́яй и освяща́яй вся́ческая, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и всесвяты́м, и благи́м, и животворя́щим Твои́м Ду́хом, ны́не и при́сно и во ве́ки веко́в.

Лик: Ами́нь.

 

ПРИЛОЖЕНИЕ 2

Величания общие.

 

Величание Всесвятой Троице:

Величаем Тя, Живодавче Христе/ и чтем Всесвятаго Духа Твоего,/ Егоже от Отца,/ послал еси божественным учеником Твоим.

Величание Господу нашему Иисусу Христу:

Велича́ем Тя,/ Живода́вче Христе́,/ нас ра́ди во ад сше́дшаго/ и с Собо́ю вся// воскреси́вшаго.

Величание Пресвятой Богородице (общее):

Досто́йно есть велича́ти Тя, Богоро́дице,/ Честне́йшую Херуви́м/ и Сла́внейшую// без сравне́ния Серафи́м.

Величание Иконе Божией Матери:

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.

Величание Святым Ангелам и прочим безплотным Силам:

Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.

Величание Пророку единому:

Велича́ем тя,/ проро́че Бо́жий [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Величание Апостолу единому:

Велича́ем тя,/ апо́столе Христо́в [имярек],/ и чтим боле́зни и труды́ твоя́, и́миже труди́лся еси́// во благове́сти Христо́ве.

Величание Апостолам:

Велича́ем вас,/ святи́и апо́столи [имярек],/ весь мир уче́ньми свои́ми просвети́вшия,/ и вся концы́// ко Христу́ приве́дшия.

Величание Святителю единому:

Велича́ем тя,/ святи́телю о́тче [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Величание Святителям:

Велича́ем вас,/ святи́телие вели́цыи,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Величание Преподобному единому:

Ублажа́ем тя,/ преподо́бне о́тче [имярек],/ и чтим святу́ю па́мять твою́,/ наста́вниче мона́хов// и собесе́дниче А́нгелов.

Величание Преподобным:

Ублажа́ем вас,/ преподо́бные отцы́,/ и чтим святу́ю па́мять ва́шу,/ наста́вницы мона́хов// и собесе́дницы А́нгелов.

Величание Мученику единому:

Велича́ем тя,/ страстоте́рпче святы́й [имярек],/ и чтим честна́я страда́ния твоя́,/ я́же за Христа́// претерпе́л еси́.

Величание Мученикам:

Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.

Величание Священномученику единому:

Велича́ем тя,/ священному́чениче [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Величание Священномученикам:

Велича́ем вас,/ священному́ченицы Христо́вы, и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Величание Преподобномученику единому:

Ублажа́ем тя,/ преподобному́чениче [имярек],/ и чтим святу́ю па́мять твою́,/ наста́вниче мона́хов// и собесе́дниче А́нгелов.

Величание Преподобномученикам:

Ублажа́ем вас,/ преподо́бнии му́ченицы,/ и чтим святу́ю па́мять ва́шу,/ наста́вницы мона́хов,// и собесе́дницы А́нгелов.

Величание Мученице единой:

Велича́ем тя,/ страстоте́рпица Христо́ва [имярек],/ и чтим честно́е страда́ние твое́,/ я́же за Христа́// претерпе́ла еси́.

Величание Мученицам:

Велича́ем вас,/ страстоте́рпицы святы́я,/ и чтим честна́я страда́ния ва́ша,/ я́же за Христа́// претерпе́ли есте́.

Величание Преподобной жене:

Ублажа́ем тя,/ преподо́бная ма́ти [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Величание Преподобным женам:

Ублажа́ем вас,/ преподо́бнии ма́тери,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Величание Преподобномученице единой:

Велича́ем тя,/ страстоте́рпице свята́я [имярек],/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.

Величание Священноисповеднику:

Велича́ем тя,/ святи́телю о́тче [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

Величание Преподобноисповеднику:

Ублажа́ем тя,/ преподо́бне о́тче [имярек],/ и чтим святу́ю па́мять твою́,/ наста́вниче мона́хов// и собесе́дниче А́нгелов.

Величание Безсребреникам:

Велича́ем вас,/ чудотво́рцы сла́внии [имярек],/ и чтим честна́я страда́ния ва́ша,/ я́же за Христа́// претерпе́ли есте́.

Величание Христа ради юродивому:

Ублажа́ем тя,/ святы́й пра́ведный [имярек],/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.

ЧЕМ ТЫ ДОСАДИЛ ДЕМОНАМ СЕГОДНЯ? ДЕМОНЫ ДОЛЖНЫ ПЛАКАТЬ! ИСПОВЕДУЙСЯ, ПРИЧАЩАЙСЯ, МЕНЯЙСЯ


Власть Последних Православных Царя и Царицы является наиболее наглядным образцом подобной власти. Окружающий Их тварный мир должен стать настоящим Белым Конем, полностью подчиняющимся каждому их слову и движению. Причем, этот Конь должен обрести свой белый цвет и послушание не резко и неожиданно, а путем постепенного превращения из весьма темного, дикого и необъезженного мустанга, до сего дня сбрасывавшего всех до единого своих наездников в яму, именуемую могилой. Но стать Белым Конем он может, естественно, только великим Чудом Божиим, пусть и весьма прикровенным!

Час за часом, день за днем, месяц за месяцем, год за годом, тихо, незаметно, подобно движению часовой стрелки или росту деревьев. Но в нужный момент заиграет мелодия звонка, а макушка дерева достигнет нужной высоты! И окажется тогда, что свеча давно уже не под спудом, просто еще должным образом не разгорелась, чтобы стать ярче софитов, зажженных диаволом, а вид на созидаемый наверху город до поры до времени закрывали рекламные щиты.

Они уже здесь и сейчас, и присмиревший по милости Божией окружающий Их тварный мир, начинает потихоньку реагировать на натягиваемые Царем и Царицей поводья, сворачивая с пути, ведущего на кладбище! И довольно скоро этот Конь не только забудет дорогу туда, но и утратит навыки мустанга, не терпящего на себе никаких всадников. И потому довезет каждого из нас, живым и невредимым, до Второго Славного и Страшного Пришествия Христова!




Преподобне отче Серафиме, моли Бога о нас!

СКАЧАТЬ основные материалы сайта «Великая Дивеевская Тайна - Пасха Святой Руси»


При полной или частичной перепечатке материалов сайта следует указать источник

Помочь проекту:
Карта Сбербанка: 6390 0242 9012 8385 40


Рейтинг@Mail.ru Яндекс.Метрика

Наверх